Funcziun dil cussegl da scola
La direcziun e survigilonza da scola ei caussa dil cussegl da scola. Il cussegl da scola procura per l’execuziun dalla legislaziun da scola federala, cantunala e communala. La direcziun da scola sa vegnir envidada cun vusch consultativa allas sesidas dil cussegl da scola. Las cumpetenzas finanzialas s’audan tenor dretg da conclus alla suprastonza communala, alla radunonza communala ni alla cuminonza dils votants.
Ultra dallas cumpetenzas numnadas ella lescha da scola cantunala ei il cussegl da scola responsabels per:
- eleger e relaschar las persunas d’instrucziun, la direcziun da scola ed il secretariat da scola
- preparar igl uorden da scola per mauns dalla suprastonza communala e la radunonza communala