Ils scolars dalla 5. e 6. classa fan lur tur dils retgs els vischinadis Vrin, Vella e Morissen. Els vischinadis Degen, Cumbel e Suraua contan ils retgs tenor program. A Lumbrein e Vignogn han ils scolars superiurs fatg ina producziuns duront igl advent 2016.
Cumbel:
Sonda, ils 7 da schaner 2017, allas 19.00 uras contan ils retgs duront messa en baselgia e suenter messa avon baselgia. L’uniun da dunnas offerescha suenter messa punsch e vin cauld. Tuts interessai ein cordialmein einvidai.
Morissen:
Tura da casa tier casa vendergis, ils 6 da schaner 2017 (Naus, da miezvitg ensi, e Curoms entschatta a Naus) e sonda, ils 7 da schaner 2017 (Crap Gries, da miez vitg engiu e Padrus, entschatta a Padrus). Nus entschevein nossa tura mintgamai ca. allas 16.30 uras.
Vella:
Tura da casa tier casa vendergis, ils 6 da schaner 2017 (dadens igl ual) e sonda, ils 7 da schaner 2017 (Trutg e dado igl ual). Nus entschevein nossas turas a Surmulins ed a Trutg e quei mintgamai ca. allas 16.30 uras.
Degen:
Ils retgs contan sonda, ils 7 da schaner 2017 allas 17.00 uras en caplutta a Vattiz ed allas 17.30 uras avon baselgia a Degen. L’uniun da dunnas offerescha en omisdus loghens punsch e vin cauld. Tuts interessai ein cordialmein einvidai.
Vrin:
Tura da casa tier casa dumengia, ils 8 da schaner 2017. Nus entschevein nossa tura allas 13.00 uras a S.Giusep.
Suraua:
Dumengia, ils 8 da schaner 2017 contan ils treis sogns retgs duront e suenter messa a Camuns.
Cun ina cumpart dils daners rimnai sustenin nus danovamein la casa d’affons a Honduras “Yo quiero ser…”, in project da Patricia Scarpatetti, oriunda da Cunter. Informaziuns detagliadas anfleis Vus sut www.yoquieroser.org . Nus vein gia susteniu la casa d’affons pliras gadas e possibilitau cheutras differents projects. Plinavon ei nossa scolasta Claudia Flury segidada la stad 2016 duront 7 jamnas ella casa a Honduras e cheutras intensivau il ligiom. Bien engraziament per Vies sustegn.