Las vacanzas da stad entscheivan sonda, ils 20-06-2020 e fineschan dumengia, ils 16-08-2020.
Nus giavischein a tuts bialas vacanzas da stad!
Monat: Juni 2020
«NUS CUMPREIN TIER VUS»
In’acziun da sustegn enteifer la val.
La pandemia da corona ha pretendiu da nus tuts risguard, adattaziuns ed engaschi. Las famiglias cun affons da scola ein vegnidas engrevgiadas supplementarmein cun la survigilonza da lur affons duront l’instrucziun a distanza. Sco pign segn da renconuschientscha per lur lavur ha il Cussegl da scola decidiu da lantschar in’acziun d’engraziament per las famiglias pertuccadas che duess da l’autra vart era promover il commerci indigen – che ha medemamein pitiu il temps numnau. Nus purschin allas famiglias in bon per affon, valeivel ellas fatschentas en nossa val. Quel sa vegnir duvraus sco mied da pagament e vegn restituius cumpleinamein entras la scola Lumnezia. Las fatschentas ch’ein promtas d’acceptar il bon san semplamein tarmetter quel al secretariat da scola. Vul zatgi buca separticipar, supplichein nus quei tal d’informar sez il client ch’il bon vali buc en sia fatschenta.
Nus sperein che biaras fatschentas lumnezianas seigien promptas da sustener quell’acziun, quei che legrass nus zun fetg. Nus engraziein cordialmein e sperein da saver rinforzar cheutras in techet il commerci indigen.