La davosa jamna han las persunas d’instrucziun elaborau sligiaziuns per cuntinuar cun la scola. Quella succeda naven da gliendisdis proxim sin distanza. Als scolars dallas classas 1.- 4. e dalla scoletta vegn il material tarmess a casa cun la posta. Els lavuran principalmein a moda convenziunala, pia per gronda part sin pupi. Per ils scolars dalla 5.-9. classa dat ei slgiaziuns digitalas. Mintgin lavura principalmein cugl ipad.
Nus essan pertscharts ch’ei dat entginas problematicas cun la tecnica e ch’ei drova in per emprovas per che tut funcziuneschi. Aschia havein nus gia fatg questa jamna differents tests.
La communicaziun cun geniturs e cun scolars succeda per mail, cun microsoft teams e cun facetime, ni telefon. Ei drova in luvrar pratic da mintga maun, mo era capientscha per la situaziun.
Il material vegn repartius fetg different. La scola Lumnezia possedeva gia avon la crisa da corona in nibel (ewolke) da datas. Quella possibilitescha a nus in scomi da datas cun instruments enconuschents. Niev luvrein nus parallel aunc cun microsoft teams.
Jeu giavischel a tuts bien success e bia perseveronza da luvrar aschia. Quella fuorma ei nova per tuts, aschia ch’ei drova ina purziun pacienzia e pigns pass per contonscher las finamiras.
Perdei buca il humor e restei sauns!
Vies menader da scola
