Per ch’igl usit da Buania survivi a liunga vesta, ha la scola midau in tec la fuorma pil turnus. Ils retgs visetan mo pli mintg’auter onn ils differents vischinadis cun far il tur da casa tier casa ni cun cantar en in ni plirs loghens, tut tenor cunvegnientscha cun las uniuns partenarias. Uonn visetan ils scolars dalla 5. e 6. classa ils suandonts vischinadis:
Cumbel:
Sonda, ils 4 da schaner 2020, allas 17.00 uras contan ils retgs duront messa en baselgia e suenter messa avon baselgia. L’uniun da dunnas offerescha suenter messa punsch e vin cauld. Tuts interessai ein cordialmein einvidai.
Vignogn:
Sonda, ils 4 da schaner 2020, allas 17.00 uras entschatta dalla tura da casa tier casa.
Lumbrein:
Sonda, ils 4 da schaner 2020, naven dallas 16.30 uras tura da casa tier casa a Lumbrein.
Dumengia, ils 5 da schaner 2020, cant duront messa, suenter gentar tura da casa tier casa els uclauns.
Suraua:
Dumengia, ils 5 da schaner 2020, allas 10.30 uras contan ils retgs a Camuns duront e suenter messa. La Pro Suraua offerescha suenter messa in apero.
Els auters vischinadis dat ei uonn negina producziun dils retgs.
Il team dallas persunas d’instrucziun ha decidiu da sustener cun ina cumpart dils daners rimnai la casa d’affons a Honduras “Yo quiero ser…”. La scola Lumnezia tgira dapi onns il contact cun la menadra dalla casa d’affons, Patricia Scarpatetti, oriunda da Cunter. (informaziuns detagliadas: www.yoquieroser.org)
Bien engraziament per Vies sustegn.